مدد يا سيدنا الحسين

بسم الله الرحمن الرحيم

فى يوم كان فيه درس كده او لقاء كان الخطيب بيقول تعرفوا احنا كام مسلم فى العالم طيب وكام مسلم يعرف انه عليه تبليغ الرساله طيب وعارفين كام انسان غير مسلم فى العالم بحسبه رياضيه كده صغيره حسابها واحد كان قاعد فى اللقاء قال لو احنا المسلمين مليار مسلم وملين منهم يعرفوا ان فيه رساله المفروض تتبلغ يعنى انا على 1000 مسلم ولوغير المسلمين 6 مليار يبقى ابلغ الاسلام ل 6000 غير مسلم يااااااه ومن يومها قرر انه اى حد هيكلمه فى الشارع فى المواصلات فى اى مكان ليخفف الدين الذى عليه

ياااااااااه دلوقتى طبعا ارقامنا تضاعفت مش هاحسبها خلينى على حساب اخونا اللى كان قاعد فى اللقاء


ليه كل الكلام ده : انا عارفه القصه من زمان بس نطت فى دماغى انهارده عشان حاجه غريبه قوى شفتها يمكن تكون بالنسبة لناس كتير عاديه وبيشوفوها كتير لكنى لاول مره اشوفها وبالجهل ده


زى ما قلت فى العنوان المقام او الضريح او اى لفظ يطلق على هذا الموضوع
فى الحسين و دى زيارتى الاولى لمسجد الحسين وجدت اناس يشدوا الرحال الى مسجد سيدنا الحسين فعلا بيشدوا الرحال يعنى بياخدوا احتياجاتهم ويسافروا مسافات طويله واللى جاى من سفربقاله ساعتين تلاته واللى جاى من اسوان وبقاله 10 ساعات سفر ليه كل ده لان عنده حاجه يريدها من سيدنا الحسين يا خبر ابيض حاجه من سيدنا الحسين وفين ربنا
ده غير التواشيح التى لم تقف حتى قبيل الخطبه "الله حى الله حى....مدد مدد يا سينا ...الله الله الله الله وغيرها وغيرها والتمسح بالمقام وبحيطان المسجد وحاجات غريبة
وحين تتكلم مع احدهم ان هذا حرمه الله واطلب من ربنا اللى انت عايزه من بيتك من غير وسيط ده حلاوة دينا انه من غير وسيط وكده ممكن يبقى فيه نوع من الشركيات.
يبصولك نظرة اشمئزاز وكانك كائن غريب قد جئتت من كوكب المريخ لا تعرف لغتهم ولا يفهمون لغتك



تنظر اليهم لتتامل يا ترى كل دول من 1000 اللى من نصيبى ولا كام منهم المفروض يبقوا من نصيبى يااااااااه يارب اغفرلى تقصيرى
ده غير البكاء والوعيل اثناء الخطبه وطبعا خناقات ما بين النساء على المكان اثناء خطبة الجمعه

يا ريت فعلا يبقى فيه ناس فى الاماكن دى للتوعيه حاجه كده شبه الحملات الموضوع خطير يا دعاه الى الله اين انتم من هذا الموضوع والله لم ينته ولم يصل الى الناس .

تعالوا نبحث ونعمل احنا الشباب حملات فى الاماكن دى
نقولهم :حديث رسول الله صلى الله عليه وسلم :
عن أبي سعيد الخدري -رضي الله عنه- قال: قال رسول الله -صلى الله عليه وسلم-: لا تشد الرحال إلا إلى ثلاثة مساجد: المسجد الحرام، ومسجدي هذا، والمسجد الأقصى متفق عليه.

لازم يفهموا الحديث مش يحفظوه.

فقد قال الشيخ احسان عاشورفى موقع اسلام اون لاين حين سئل عن ضريح الحسين فقال:ليس هناك ما يدل في حدود علمنا على وجود جسد الحسين في هذا الضريح وعلى فرض انه موجود فان ما يمارس في مسجد الحين هي امور شركية ما انزل الله بها من سلطان مثل التمسح بالضريح والطواف حوله والاستغاثة بصاحبه، والدعاء عنده للانجاب مثلا او للشفاء، فهذه امور شركية نهى الاسلام عنها، حيث قال النبي صلى الله عليه وسلم :" اذا استعنت فاستعن بالله". وليس هناك قدسية خاصة للمسجد؛ لأن الضريح في أي مسجد لا يضفي عليه قدسية فضلا عن ان النبي صلى الله عليه وسلم نهى عن اتخاذ القبور مساجد ، وكا ذلك في مرض موته الذي توفي فيه حرصا منه على سلامة عقيدة المسلمين، وخوفا من ان يدخلها الشرك وعبادة غير الله تعالى، حيث كان النبي صلى الله عليه وسلم يضغ خميصة على وجهه وهو يعالج مرض الموت، فكان كلما ضايقه المرض طرح الخميصة وقال :" لعنة الله على اليهود والنصارى اتخذوا قبور أنبيائهم مساجد ". في اشارة منه صلى الله عليه وسلم الى الا يتخذ قبره ولا قبر غيره من الصحابة والصالحين مسجدا، لتكون العبادة على هذه الارض خالصة لله تعالى امتثالا لقول الحق تبارك وتعالى :" وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ" أي الا ليوحدون



ياريت منسكتش على الموضوع ده والله اعلم الناس اللى حوالينا عارفين الكلام ولا لأ الموضوع خطير وانا مكتئبه منه جدا